A1 Македонија воведува нова атрактивна понуда за корисниците на мобилната припејд телефонија достапна преку апликацијата Мојот А1 со која добиваат можност за супер забава, многу гигабајти и уште поголема можност за споделување возбудливи доживувања и бескрајни разговори.
Со новиот месечен припејд XXL пакет, за само 299 денари, корисниците добиваат неограничено сурфање на социјалните мрежи Facebook, Instagram, TikTok, X, Messenger, Snapchat и WhatsApp, неограничени разговори и SMS-пораки кон сите национални мрежи и 10GB мобилен интернет за опуштено сурфање цел месец.
“Оваа најнова припејд понуда ја дизајниравме да обезбеди флексибилност за нашите корисници и да отвориме можност за избор на пакет што најмногу одговара на нивните комуникациски потреби во модерното и динамично време. Со оваа понуда корисниците добиваат можност за слободна комуникација со најблиските, за сурфање на омилените сајтови и социјални мрежи што претставува уште еден доказ за нашата посветеност кон креирање иновативни продукти што носат многу повеќе вредност”, изјави Елена Панова, директорказа маркетинг и дигитална трансформација на А1 Македонија.
Пакетот XXL корисниците можат да го најдат преку апликацијата Мојот А1 во менито за Пакети, во делот Актуелни понуди. По активацијата, пакетот може да се користи откако корисникот ќе добие SMS-порака дека пакетот е активиран.
По истекот на валидноста, активираниот пакет автоматски се обновува по цена од 499 денари месечно, доколку корисникот има доволно кредит на припејд сметката.
