ПроКредит Банка го претстави новиот Станбен кредит наменет за лица кои планираат да инвестираат во нов дом или да ги рефинансираат постоечките станбени кредити. Новата понуда нуди фиксни каматни стапки за период од 5 и 10 години.
Покрај фиксните каматни стапки, кои изнесуваат само 3,25% за првите 5 години и 3,6% за првите 10 години, новиот кредит на ПроКредит Банка е без трошоци за исплата, како и без задолжителна полиса за животно осигурување.
Уште една значајна предност е тоа што клиентите имаат можност да искористат 20% од средствата неконтролирано за уредување на домот или реновирање, што дополнително ја зголемува атрактивноста на оваа понуда.
„Станбениот кредит го креиравме со цел да им овозможиме на нашите клиенти поддршка во остварувањето на нивните планови со обезбедување финансиска сигурност и можност за долгорочно планирање преку предвидливост во отплатата. Со фиксните каматни стапки и отсуството на дополнителни скриени трошоци, веруваме дека обезбедивме најповолни услови за оние кои сакаат да направат важен чекор кон нов дом или да го оптимизираат веќе постоечкиот кредит“, појаснуваат од ПроКредит Банка.
Станбениот кредит е создаден за клиенти кои бараат сигурен партнер, нудејќи им стабилност во финансиското планирање со фиксни месечни рати.
ПроКредит Банка продолжува да ја нагласува својата посветеност на транспарентноста и фокусот кон клиентите, нудејќи решенија кои обезбедуваат долгорочна финансиска одржливост.
Сите информации за новиот Станбен кредит на ПроКредит Банка се достапни на следниот линк.
