Со оваа понуда, Шпаркасе Банка нуди Станбен кредит со фиксна каматна стапка од 3,8% за првите десет години, можност за вклучување полиса за животно осигурување, на максимален износ до 400,000 ЕВРА, како и Потрошувачки кредит со фиксна каматна стапка од 5,8% за целиот период на отплата којшто трае 95 месеци, на максимален износ до 1.500.000 денари со вклучено кредитно животно осигурување.
Банката, со воведувањето на понудата за фиксна каматна стапка на 10 години за станбен кредит – „Фиксирај го домот“ и фиксна каматна стапка за целиот период на отплата за потрошувачки кредит – „Фиксно си е фиксно“, има за цел да им понуди на клиентите прецизно планирање на личните финансии и на месечните трошоци, преку обезбедување фиксна рата за нивниот кредит.
Шпаркасе Банка е членка на групацијата Ерсте и Штаермаркише Шпаркасе, која е една од водечките групации во областа на финансиски услуги во Средна и Источна Европа, а за нејзината стабилност и традиција зборува фактот за непрекинато работење од близу 200 години. Групацијата опслужува повеќе од 17 милиони клиенти преку 3.200 експозитури. Во Македонија, групацијата е застапена со Шпаркасе Банка и Шпаркасе Лизинг и опслужува повеќе од 120.000 клиенти во 35 експозитури.
