Апликацијата TelekomMK слави 5-ти роденден со недела за подароци

Апликацијата TelekomMK слави пет години успешна работа и повеќе од 340.000 корисници со роденденска недела на подароци. Во текот на оваа роденденска недела, од 16 до 20 септември, сите корисници добиваат интернет без дополнителен надомест што се активира преку Magenta Moments за само 5 срца.

Меѓу наградите што ќе се доделуваат по повод роденденската недела на TelekomMK се и T Phone, Samsung TV, Vienna Bike, T Phone Pro, Xiaomi електричен тротинет и T Tablet. Покрај наградите, има и дополнителни попусти на смартфони, како што се: Xiaomi 12, OnePlus 9, T Phone 5G, Honor 90 Lite 5G. Попустите достигнуваат и до 10.000 денари.

Како дополнителен стимул, на петте најактивни корисници на апликацијата ќе им бидат доделени телефони T Phone Pro.

Апликацијата е создадена за дигитално корисничко искуство и дополнителна вредност, а во текот на годините е дополнуванс и збогатувана со нови функционалности, од кои особено значајна е програмата Magenta Moments, којашто за само една година стекна над 213 000 корисници.

„Искуството на корисниците за нас е најважно. А дигиталното корисничко искуство станува главен приоритет за телекомуникациските компании секаде низ светот. Токму тоа го овозможува апликацијата TelekomMK: брз и едноставен дигитален пристап до сите услуги, информации и понуди, но отвора и нов свет на поволности. Ќе продолжиме да ја надградуваме TelekomMK за да станува уште подобра, а неделава славиме заедно со нашите корисници со многу награди и подароци“ – изјави Емилија Андоновска, Главен комерцијален директор за приватни корисници во Македонски Телеком.

Роденденските активности и наградите може да се видат на Telekom MK app.

Поврзани постови